അപമാനങ്ങളും പ്രതിസന്ധികളും ജീവിതത്തിൽ സർവസാധാരണമാണ്. എന്നാൽ ചിലരിൽ ഇതിന്റെ ആഴവും പരപ്പും വലുതായിരിക്കും. അത് അവരെ നിരാശയിലേക്കും നിഷ്ക്രിയത്വത്തിലേക്കും നയിക്കും. അപ്പോൾ നാം ഡിസ്റേലിയുടെ വാക്കുകൾ ഓർക്കണം : ” കാർമേഘങ്ങളില്ലാത്ത ജീവിതത്തിൽ മഴവില്ല് വിരിയില്ല.” അപമാനങ്ങളെ , പരാജയങ്ങളെ വിജയത്തിലേക്കുള്ള ഇന്ധനമാക്കി മാറ്റാൻ നമുക്ക് കഴിയണം. തിരിച്ചടികൾ ജീവിതത്തിൽ തുടർച്ചയായി ഉണ്ടാകുമ്പോഴും മനം തളരാതെ എഴുന്നേൽക്കാനുള്ള കരുത്താർജിക്കണം. വിജയിക്കണമെങ്കിൽ വിജയിക്കാനുള്ള ആഗ്രഹം പരാജയ ഭീതിയേക്കാൾ ഉയർന്നു നിൽക്കുന്ന ഇന്ധനമായി നാം ജ്വലിക്കണം. 
ജോസ് ക്ലെമന്റ്
About The Author
