ആണ്ടെ
ആണ്ടെ !
ആണ്ടെ !
ആണ്ടെ വരുന്നുണ്ടേ
നമ്മുടെ അടിപൊളി യമ്മാവന്.
ആണവ വാണ പ്പോര്മുന പേറിയൊ –
രഭിനവ യമമാവന് !
ഓടിയൊളിക്കാനിടമില്ലല്ലോ?
ഓടിയൊളിച്ചാല് ഫലമില്ലല്ലോ?
ആണവ ശിരസ്സില് അഗ്നിയൊളിപ്പി –
ച്ചോടി വരുന്നുണ്ടേ !
ആരുടെ നെഞ്ചും കൂടു പിളര്ക്കാനായ് !.
ഹഹ, ഹഹ, ചാടി വരുന്നുണ്ടേ ?
ആയിര മായിരമാണ്ടുക ളകലേ
ആദിമ തമസ്സിന് വീഥികളില്
വെളിച്ചമായി ജനിച്ചവനിവിടെ
വെറുപ്പില് മുങ്ങി മരിക്കുന്നു !
നഗ്ന പ്രകൃതിയുടെ മാറില് നിന്നുടെ
നഗ്നക്കാലടി വയ്ക്കുമ്പോള്
നിനച്ചു പോയി ‘ മണ്ണില് മനുഷ്യന്
ഉടച്ചു വാര്ക്കും സ്വപ്നങ്ങള് ‘
നിനക്ക് തുണയായ്
നടിച്ചു നിന്നെ
ചതിച്ചു നവ യുഗ സംസ്ക്കാരം അടുത്ത മനുഷ്യനെ
അരിഞ്ഞു വീഴ്ത്തുവ-
തതി ജീവന ശാസ്ത്രം ?
അതിരുകള് നിര്മ്മിച്ചവിടം കാക്കു –
ന്നടിമ ക്കൂട്ടങ്ങള് !
അറിഞ്ഞതില്ല വസുന്ധര മാറില്
നിറഞ്ഞ പാല് ചുരത്തുമ്പോള്
വിശാല വിശ്വ പ്രപഞ്ചത്തിന്
വെളിച്ചമാവാന് വന്നവനേ ,
നശൂല ശാസ്ത്രം നിനക്ക് നീട്ടിയ
കഠാര കൈവിട്ടകലുക നീ
വലിച്ചെറിയുക നമ്മുടെ ഭൂമിയില്
മുളച്ചയാണവ മുകുളങ്ങള്
നമുക്ക് സ്നേഹ ചാന്തില് പണിയാം
നമ്മുടെ മണ്ണിലെ സ്വര്ഗ്ഗങ്ങള് !
അടിച്ചു ചാപ്പകള് നെറ്റികളില് വരി –
യുടച്ചു പൂട്ടിയ വയലുകളില്
കഴുത്തു വെട്ടി അറുത്തു വില്ക്കാന്
മതത്തിന് ചെങ്കൊടികള്
നമുക്കുറങ്ങാന് പേടി അതിനായ്
പുറത്തു കാക്കുവതമ്മാവന്!
കിതച്ചു നില്പ്പൂ നാടൊട്ടുക്കും
കരിച്ചു തള്ളാന് മനുഷ്യ കുലം !
വളര്ച്ച മുറ്റിയ സംസ്കാരങ്ങള്
പടച്ച ജീവിത വേദികളില്
നമുക്ക് ഭീഷണി ഖഡ്ഗം പേറി
കുതിച്ചു നില്ക്കും വാണങ്ങള് !
മഹത്വ മാനവ ചരിത്രമെഴുതിയ
സമത്വ സുന്ദര സംസ്ക്കാരം
ജനിച്ചു വീഴും തലമുറകള്ക്കായ്
ചമച്ചതാണവ പോര്മുനകള് ?
- (ആണവായുധ ഭീഷണിയുടെ അനിശ്ചിതത്വത്തിനടിയില് അടിപൊളിയന് ജീവിതത്തിന്റെ അര നാഴികനേരം തള്ളി നീക്കുന്ന ആധുനിക ലോകത്തിലെ മനുഷ്യ വര്ഗ്ഗത്തിനായി ഈ കവിത സമര്പ്പിക്കുന്നു)
